Life is Great

I går leste eg ein del bloggar ute på den store verdsveven. Det slo meg då kor seriøst mange skriv. Her er filosofiske tankar om livet, om Gud og om menneske osv. Ofte har eg sjølv prøvd å skrive slike undrande, alvorlige og djupe tekstar, men eg har av ein eller annan grunn ikkje heilt fått det til. Bloggane mine har ein underlig tendens til å handle om tull og tøys. Sjølv om eg har prøvd, klarar eg liksom ikkje å få meg til å skrive bere seriøst. Eg begynner gjerne bra, men så slår det meg at "nei, dette blir for teit", og vips er det sletta og erstatta av ein tullete tekst om alt og ingenting. Slik som no til dømes, det eg eigentlig har mest lyst til no er å sletta det eg har skreve hittil og heller skriva ein "seriøs" veiledning til korleis lage årbok... Jaja, kanskje eg heller skal prøve å gjere begge deler?